Sama meri sengkabung mua ngagai sekula

KUCHING: Sapit Menteri Dagang Dalam Menua enggau Pekara Bebelika Barang (KPDNHEP), Chong Chieng Jen minta pengari rayat bela nyadung sengkabung mua ngagai sekula ba sitak dipegai sida empu.

Kenu ku Adun Stampin nya, tu dikena mai mensia mayuh kelebih agi nembiak sedar agi ke pengawa nagang igi penyakit Koronavirus ari Wuhan ngerekai.

Chieng Jen madahka diri udah nyadung sepenyampau 950 sengkabung mua ungkup nembiak enggau staf ba SJK (C) Chung Hua Stapok, tadi.

“Sida bela nerima dua iti sengkabung mua. Pengawa tu apin chukup tang program kitai berat agi mai sida sedarka pemeresi diri enggau chara ngurang igi penyakit tu ngerekai,” ku iya.

Chieng Jen mansutka jaku nya lebuh dirandau pemberita ba SJK(C) Chung Hua Stapok di Batu Kawa, ditu tadi.

Suara Sarawak