ARTIKEL

Samarahan ngerami 60 Taun Sarawak Merdeka kena 14 ngagai 18 Julai 

Facebook
Twitter
LinkedIn
WhatsApp
Telegram

KOTA SAMARAHAN: Pengerami 60 Taun Sarawak Merdeka ba Bagi Menua Samarahan deka diintu berengkah ari 14 ngagai 18 Julai tu pengudah iya diatur ba sekeda bagi menua di Sarawak berengkah ari 28 Mei ti udah dipenyadi ba Lawas.

Ku Residen Samarahan, Mohamad Irwan Bahari Bujang, mayuh aktiviti deka diatur ba Palan Besai Bebelika Barang The Summer Mall kelimpah ba pelilih bukai nyengkaum Asajaya, Sebuyau, Simunjan, Gedong enggau Sadong Jaya.

“Pengerami mega dirichah enggau penatai Premier Sarawak, Datuk Patinggi Tan Sri Abang Johari Tun Openg ti deka ngulu Konvoi Kembara Sarawak Merdeka ari Bagi Menua Serian ngagai Bagi Menua Samarahan kena 15 Julai tu,” ku iya.

Seraya nya, ku Mohamad Irwan, Eksibisyen Digital 60 Taun Sarawak Merdeka, bansal bejual barang, Dapur Samarahan sereta pekit karaoke deka diatur kena 14 Julai lalu program sebedau pengawa bejadi nya disadang dilanchar Sapit Menteri Pemansang Menua Pesisir enggau Wilayah ke mega Kaban Parlimen Kota Samarahan, Datuk Rubiah Wang.

Baca lain  RUU: Perintah Sarawak bedau ngaga pemutus

“Sehari udah nya, sekeda pengawa ti narit ati deka diatur baka pekit aerobathon, nyura, E-lumba, Nopeng, Little Prince and Princess enggau Pentas Rakyat ba Palan Besai Bebelika Barang The Summer Mall,” terang iya.

“Pukul 2 lemai deka diatur pengawa ngambat penatai Konvoi Kembara Sarawak Merdeka ti diuluka Premier ari Bagi Menua Serian ba Palan Besai Bebelika Barang The Summer Mall ditu.

“Pengudah iya datai ba The Summer Shopping Mall, pengawa nyua tambai Sarawak ari Residen Bagi Menua Serian, Selamat Jati Yanjah ngagai Residen Bagi Menua Samarahan, Mohamad Irwan Bahari Bujang deka diatur,” ku iya.

Ku Mohamad Irwan, Premier mega deka bejadi Eksibisyen Digital sereta nemuai ngagai bansal bejual barang sehari nya lalu muak ke lemai, Panggau Rayat enggau pekit belagu renggat kepenudi deka diatur.

Ku iya, pengawa ngelepaska Konvoi Kembara Sarawak Merdeka Bagi Menua Samarahan kena 16 Julai deka dipenyadi Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah pukul 10 pagi.

Baca lain  Gerija St. Basil agi natak 100 iku datai sembiang

Konvoi Kembara Sarawak Merdeka Renggat Bagi Menua Samarahan ditampung Hari Satu tu (17 Julai) ba Simunjan enggau Gedong lalu tambai Sarawak deka disua ngagai peranak ba bagi menua nya kelimpah nyuaka perais ngagai pemenang pekit gasing ba Simunjan.

Kena Hari Dua, tambai deka disua ngagai konvoi Bagi Menua Kuching ba Palan Besai Bebelika Barang La Promenade kelai tembu Konvoi Kembara Sarawak Merdeka ari Bagi Menua Samarahan.

KONVOI… Rintai pengawa ti dipejalai beserimbai enggau konvoi Pengerami 60 Taun Sarawak Merdeka Renggat Bagi Menua Samarahan.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU