Sampal nungkun dian ke niang Bill Kayong

KUCHING: Mensia mayuh ari semua serap pengidup ditesau sampal datai ngulu pengawa gempuru nungkun dian ngenang pemidang menyadi kitai niang Bill Kayong tauka Mohd Hasbie Abdullah.

Nitihka penerang ari Raban Luyar Kamek For Change, pengawa meri basa ngagai niang Bill tu deka diatur ba dua endur enggau haribulan udah ditetap komiti nya.

Gempuru keterubah deka diatur ba Miri malam tu lagi ba Jalai Sri Dagang, Waterfront Miri din urung pukul 7 lemai, ditangkan ba menua Kuching ditu kena 21 Disember, Hari Enam minggu baru.

Taja pia, endur ngatur gempurung nungkun dian nya apin ditetap raban sida naka diatu lalu deka dipadah nangkan tu ila, ku penerang nya.

Pemesai jasa niang Bill Kayong ti bebadi nyawa ditimbak kena pagi 21 June 2016 suba ketegal ngetanka hak bansa asal kelebih agi ba tanah Adat Bansa Asal (NCR) deka semampai dikenang.

Nya alai raban tu nyengkaum sida niang Bill sebilik ngarapka mensia mayuh selampur menua tu ulih sampal datai meri sukung ngagai pengawa sida.