Bepun ari pengawa maya lepa ngujung nyadi penatai pemisi, siku orang ti ngaga asil pengelandik jari Mohd Julaihee, 49 taun tu gawa perintah tang pincin tumu laban arap pengawa dagang ari asil pengelandik jari tu ulih mantu enggau nambahka penatai pemisi sida sebilik.

Iya ngepunka pengawa dagang asil pengelandik jari tu nengah ‘online’ ari ‘pesanan’ ngagai makit lalu peranak ari Kampung Penakub Hilir Mukah tu ukai semina nerima pesan ari Kuching nyengkaum Sabah enggau seluruh Malaysia.

Mohamad madah iya udah mungkur ba pengawa asil pengelandik jari tu ari taun 2001.

Iya rindu ngasilka mayuh macham bentuk perau lalu asil pengelandik jari nya ulih dikena nyadi perais tauka tepa.

Bepun ari nya, aku meda siti peluang bedagang sebedau mantaika produk nengah ‘online’ ku peranak bansa Melanau ke diatu diau ba Kuching.

NYAUP NAMBAH BELANJA…Mohamad gaga ati laban asil pengelandik jari ulih nambahka penatai pemisi sida sebilik.

Entara produk ti diasilka Mohamad iya nya ‘replika’ perau tambang, perau sakai, beg, bingkai gambar, mija enggau bangku sereta ke bukai.

Kelimpah nyedia mayuh agi produk ke bukai ungkup penguna, sida ulih mesan produk nitihka produk dikedeka sida.

“Aku milih pengawa dagang ari asil pengelandik tu laban deka nguji pengelandik jari ngasilka mayuh macham produk.

“Kelimpah ngasilka produk baru, bisi produk baka mija enggau bangku digaga ari perengka ke enda diguna baka papan kayu ke enda dikena,”.

“Saya menjual meja dengan harga RM400 hingga Rm1000 keatas manakala perahu tambang dari harga RM100 hingga RM800 dan yang lain mengikut saiz dan kehalusan reka bentuk”

ULIH DIKEMANAH…Mohamadd Julaihee nunjukka mija engka bangku digaga ari kayu enggau papan ke enda diguna agi.

“Aku nyual mija rega RM400 nyentuk RM1000 ke atas enggau rega perau tambang berengkah ari RM100 nyentuk RM800 lalu ke bukai nitihka saiz enggau bentuk produk nya ”

Iya mega meri terima kasih ngagai perintah laban udah mantu nengah mayuh bengkah chara nyentuk ka dagang iya mujur. “Aku kala nerima bantu ari Asil Pengelandik Jari Malaysia, Opis Menteri Nembiak enggau lumba sereta SEDC ungkup Skim Putra, bantu baka mesin enggau perengka ke bukai”

“Aku kala enggau Pekit Asil Pengelandik Jari renggat Nasional ba Melaka dalam taun 2014 ba penuduk lumur dua lalu nerima perais RM2500.00, trofi enggau setipikit. Ba taun 2015 mega aku nerima Anugerah Sarawak Tourism Board lalu nerima perais duit RM8000.00, trofi enggau setipikit” ku iya.

Nusui pasal fokus dudi ila, Mohamad Julaihee madah nyau ka 18 taun bejalaika pengawa dagang enggai ngaga asil pengelandik jari, iya deka bedagang tu nyadi siti karier tetap.

“Aku deka ngemansangka pengawa dagang tu lalu nyadi karier tetap dudi ari ila.

“Kebuah pia, aku ngasaika pengawa bedagang asil pengelandik jari tu ulih dikemansang laban peminta majak nambah” ku iya.

ASIL PENGELANDIK JARI…Entara asil pengelandik jari lalu dijual ngagai orang ti rinduka seni asil pengelandik jari.