PADAWAN: Chalun Parti Sarawak Bersatu (PSB) Dun Mambong Sanjan Daik andal ulih ngerampas penuduk Dun Mambong ba Pengawa Bepilih Besai Nengeri (PRN) ke-12 tu.
Iya madah, sekumbang udah masuk dunya politik tujuh taun ke udah iya endang udah lama bejalai betemu enggau bala pengundi Dun Mambong.
“Aku nadai kala ngetu, aku bepun enggau Parti Tindakan Demokratik (DAP) enggau mayuh orang ngelar aku YB enggau dikelala siku orang kuat DAP di DUN Mambong.
“Rayat nerima aku ukai ketegal aku orang kuat DAP, aku sikuchalun ke ulih nangkup juluk rayat ditu lalu rayat mega nerima nerima PSB nyadi pelajar nyadi perintah ke ulih dikearap,” ku iya maya dirandau ba Kampung Braang Bayur, ditu ensana.
Nya alai, iya andal ulih ngalahka penyandang ke mega chalun Gabungan Parti Sarawak (GPS) DUN Mambong, Datuk Dr Jerip Susil ba PRN tu.
Nangkan ke nya, iya madah diri sigi enda ngelebu mandat ke diberi rayat nengah chara merejuk ke parti bukai nyema menang ba Dun Mambong.
“Mandat ke udah diberi rauay enda patut diayah. Nya alai, barang sapa menang enggau merejuk parti nya tau dikumbai pengerusak,” ku iya.
Sanjan kala bediri ba Dun Mambong ba PRN-11 taun 2016, tang alah semina bulih 2,828 undi besatup tiga penjuru enggau Jerip ke udah menang enggau 6,161 undi dkitangkan chalun Parti Keadilan Rakyat (PKR), Datuk Willie Mongin bulih 2,645 undi.
