Sapa menggi gelar Raja Sungai Regata Sarawak 2019?

KUCHING: Lebih 50,000 disadang ngerichahka Regata Sarawak 2019 deka diatur berengkah ari 1 ngagai 3 November.

Menteri Dagang Temuai, Seni enggau Main Asal Datuk Abdul Karim Rahman Hamzah madah, tu entara pengerami pemadu besai sereta dikelala enggau dikumbai Indu Regata menua Sarawak.

“Tambah mega, lebih 30 rintai pengerami deka diatur nyerumba Regata Sarawak taun tu.

“Pengerami sekali tu mega disadang matak penatai tim lumba perau ari serap menua ngerebut gelar Raja Sungai,” ku iya.

Abdul Karim madah munyi nya ba aum pemberita Regata Sarawak Kuching Waterfront Festival 2019 di Begunan Baitul Makmur ditu, tadi.

REGATA SARAWAK2019… Karim (lima kiba) enggau Menteri Muda Nembiak enggau Lumba Datuk Snowdan Lawan (tiga kanan) megai replika chek piak ke melanja pengerami nya pengudah aum pemberita di Begunan Baitul Makmur ditu, tadi.- GAMBAR ALIEF NONI

Suara Sarawak