Sapa pemenang Pekit Kumang malam tu?

MARUDI: Malam tu legi pemutus Pekit Kumang Gawai Dayak 2021 deka dibantai terus nengah laman Facebook rasmi Datuk Dr Penguang Manggil kena pukul 7 malam.

Sama mih kitai nganti bala pemekit tu mantaika pengelandik sida ngambi ngerebut gelar Champion, lumur dua, lumur tiga enggau ke bukai.

Nengah pekit dipanchar terus ari Facebook nya ila, bala pemekit deka mandangka penyelai ngepan Iban enggau ngenataika pesan bekaul pandemik Covid-19.

Pia mega, bala pemekit mega deka bejalai sereta mantaika penyelai enggau pemanah ngepan Iban nengah online ngambi ngerebut anugerah dalam Pekit Kumang Gawai Dayak 2021 tu.

Ungkup penerang semua, Pekit Kumang Gawai Dayak 2021 tu diatur Raban Nembiak Parti Demokratik Progresif (PDP) Bagi Menua Marudi.

Anang enda ingat meda preview bala pemekit Kumang Gawai Dayak 2021 tu nyerumba Pekit Kumang Gawai Dayak nengah online.

Ungkup penemu bisi 28 iku dara bajik ari serata bagi menua di nengeri tu ngerebut gelar Kumang Gawai Dayak tu.

Suara Sarawak