JAGUH tinju menua, Mejar Sapok Biki, 45, ngembuan pengulih ngelatih sebarang tim nasional di menua Asaia.
Tu berindik ari pemujur iya ke udah bulih Setipikit Jurulatih AIBA 1-Star. Sapok madah diri sedia meris servis ngangkatka main tinju di Sarawak nyema iya diberi peluang ngelatih rebak baru ba main nya.
Iya kala ngarika Malaysa ba Lumba SEA, Lumba Asia, Lumba Komanwel enggau Olimpik.
Tambah mega iya endang ngembuan anembiak ke ngarika menua enggau nyadi pematih.
“Aku udah ngelatih mayuh peninju ba serata Malaysia…pia mega nempa sekeda peninju ungkup tim nasional.
“Nya alai, aku udah chukup sedia ngiri penemu ngagai anak Sarawak nyema diberi peluang,” ku iya ke suah dikangau meri peransang ngagai atlit biak.
“Naka tu Johor enggau Melaka bebendar deka ngambi aku…tang bedau bisi pemutus nyemetak ari aku,”ku iya.
Jurulatih Malaysia diatu endang anembiak ke kala diajar Sapok. Pia mega, jurulatih Sarawak ke mega anembiak iya nyadi bakih enggau ‘belaban’.
Berebak enggau nya, jurulatih Sarawak, Mohd Helman Morni ke bela bisi ba gim Sapok begulai mantu iya, Wilbur Andongan ari Filipina sereta sekeda nembiak ke deka ngulihka penemu ari iya.
“Ba Sukma ke udah kami mujur bulih tiga midul sembilan midul ke dipekit…dua engkeraju enggau siti perak.
“Aku andal nengah peneleba Sapok, kami ulih bulih enam midul enggau nyangka siti emas ungkup Sukma di Johor 2020,” ku Helman muji pengajar iya.
