ARTIKEL

Abdul Hamed Sepawai

Sarawak Bateri ASEAN

Facebook
Twitter
LinkedIn
WhatsApp
Telegram

KUCHING: Sarawak Energy, pemaju enggau pemekal kuasa ulih dikena baru pemadu besai di Malaysia, nguna pengeraja asal ti mayuh di Sarawak dikena nyungkak pemansang kuasa ulih dikena baru.

Ku Chairman serikat nya, Datuk Amar Abdul Hamed Sepawi, Sarawak udah nguna pengulih kuasa hidro iya ti nyengala dikena nyungkak pemansang ekonomi rama ti ngujung ke Sarawak Energy ngelancharka Setipikit Kuasa Ulih Dikena Baru (REC) keterubah Sarawak ba taun 2019.

Kuasa hidro ulih dikena baru mega, ku iya, udah mantu Sarawak nyerungkai pun penatai kuasa ulih dikena baru bukai baka solar enggau hidrogen gadung kelimpah ngemuntanka 73 peratus karbon ari sistem kuasa entara taun 2010 ngagai taun 2021.

“Seraris enggau komitmen ngagai pengawa ngemuntanka karbon, kami mega udah nyerungkai pengawa nangkap enggau nyimpan karbon (CCS) lalu apin lama ti udah ngelancharka fasiliti Chitose Carbon Capture Central Sarawak iya nya projek nangkap karbon keterubah ba nengeri tu nengah mikroalga (lukut mikro).

“Fasiliti baru tu mega deka ngasilka biojisim, ti ulih dikena ba pengawa ngeluar produk komersil,” ku iya.

Baca lain  Sepital baru Sri Aman 62 peratus udah tembu

“Dikena napi penanggul bekaul enggau sekeda kuasa ulih dikena baru baka solar, kami mega mungkal Sistem Nyimpan Kuasa Bateri (BESS),” ku iya agi.

Iya nyebut pekara nya ba edisyen ketiga Forum Pemeruan enggau Kuasa Ulih Dikemaru (SAREF 3.0) ti diatur Sarawak Energy ba Palan Aum Besai Borneo Kuching ditu kemari ti dipenyadi Premier Sarawak, Datuk Patinggi Tan Sri Abang Johari Tun Openg.

Dikena ngulih pemujur ungkup semua di Asia Tenggara, ku iya, Sarawak Energy benung neruska penyambung serantau ngambi bekunsi pun penatai kuasa ulih dikemaru sereta pemanah ari pengawa nya enggau menua semak dikena ngangkat kualiti pengidup ba selampur rantau tu.

“Kitai nempa kaul keterubah kitai enggau Kalimantan, Indonesia ba taun 2016 lalu diatu benung nyerungkai penyambung enggau Brunei sereta Singapore ngambi ngamatka Grid Kuasa ASEAN, enggau prospek nempa Sarawak nyadi Bateri ASEAN,” ku iya.

Berambaika leka jaku ‘Pemansang Kuasa Ulih Dikena Baru enggau Penyambung’, iya madah forum nya deka meri perati ngagai pengawa dagang begulai sereta kunsi dagang, perintah enggau komuniti sivil ti ulih ngelangkar pejalai pengalih kuasa nuju pemeruan enggau nadai pemansut karbon di Asia Tenggara.

Baca lain  UTC Sibu buka baka selama

“Mayuh ripot udah madah, bulan Julai tu tadi endang pemadu angat kala diukur lalu gaya hari ti ekstrim sereta gelumbang pengangat majak suah nyadi.

“Ubah iklim ukai dipelaba lalu ba kami ti nyadi pugu kuasa enggau pengaga pemutus ti diperansang ulih pemeruan, SAREF 3.0 endang peluang kami diatu ngenukuka pekara ti meseti digaga kami ngambi bejalaika pengawa ti semitan,” ku iya agi.

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh