ARTIKEL

NGELAKU… Snowdan enggau bala bukai lebuh bejadika MATTA Fair Sarawak 2024 ditu, kemari. | GAMBAR GHAZALI BUJANG

Sarawak begunaka agih belanja tambah ari MOTAC

Facebook
Twitter
LinkedIn
WhatsApp
Telegram

KUCHING: Perintah Sarawak ngansak Opis Menteri Dagang Temuai, Seni enggau Budaya (MOTAC) nambahka agih belanja nentuka produk dagang temuai di Sarawak deras mansang.

Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan madah, nya entara pekara diberi perati ba randau begulai enggau MOTAC empai lama.

“Sekeda pekara udah dipadah laban kitai begunaka bajet kelebih agi ari MOTAC nentuka produk dagang temuai di menua tu nambah sekalika ari sukut produk baru, endur baru, ekodagangtemuai enggau ke bukai.

“Bank Dunya mega udah ngenuku statistik temuai nemuai ngagai palan rampa menua asal mayuh agi, ke diperati nyadi gaya kemaya hari.

“Seninjik endar enggau Sarawak ke bisi pengelebih diri empu, iya nya kitai deka nyelinting pengawa ba pekara Budaya, Bejalai Matau Menua, Rampa Menua Asal, Pemakai enggau Pengerami (CANFF),” terang iya.

Snowdan bejaku munyi nya lebuh dirandau pemberita ba Pengawa Mandang MATTA Fair Sarawak 2024, ditu kemari.

Nya alai ku iya, Sarawak endang menua ti seruran dipilih enggau ditapatka bala temuai enggau tuju nemuai CANFF.

Baca lain  Rayat rumah panjai diberi penerang bekaul skim Perkeso

“Ari nya, Sarawak endang nalan ti betul dilawa sida ti rindu bejalai enggau bayam pemanah CANFF, Sarawak entara pemadu manah, Sarawaj tu tau dikumbai eksotik enggau estentik.

“Nya kebuah sida ari menua luar rindu nemuai enggau napatka menua kitai tu,” ku Snowdan.

Agi ngenang pekara ke sama, iya nyemetak madah ke pangku pengawa ejensi penerebai mega patut mandangka sida nyadi ‘jalai’ penama temuai ke nengeri tu.

“Nya kebuah penerebai besai guna, sida nyadi ‘jematan’ nyambung dunya luar ngagai Sarawak,” ku iya nyemetak.

Ngenang pasal pekara bukai ke udah dikerandau, Snowdan madah ke sida mega udah nganjung ripot pasal projek besai ngagai opis menteri bekaul.

“Ambi ke chunto, empai lama siti perambu dibai Kaunsil Pemansang Ekonomi Sarawak (SEDC) ti deka ngemansangka sitak Damai, sekeda perambu ngangkatka Damai nyadi mengeri baru, Marina enggau ke bukai.

“Tu deka begunaka belanja besai, tang kami beguna sukung kelimpah sukung ari Perintah Nengeri empu ngambi bekerejasama,” ku iya.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU