ARTIKEL

NGAUL RAYAT…Dr Annuar rambau ngulu Pengerami Ngiling Bidai ba Rumah Dick Ijau, Batu 8, Jalai Oya ditu, malam kemari.

Sarawak chakah nagih hak nengeri tu baka ba MA63

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Sarawak semina nagih baru hak nengeri tu baka ba Sempekat Malaysia 1963 (MA63).

Pekara nya dibantai Datuk Dr Annuar Rapaee rambau nyangkal penemu sekeda raban ti madahka Sarawak ngembuan mayuh peminta ngagai Putrajaya.

Iya mansutka jaku nya rambau Pengerami Ngiling Bidai ba Rumah Dick Ijau, Batu 8, Jalai Oya ditu, malam kemari.

Sapit Menteri Pelajar, Inovasyen enggau Pemansang Penau nya madah, dawa sekeda raban nya enda betul sereta ngelai raban nya kurang penemu pasal MA63.

“Kitai ukai deka minta tauka ngerebut hak orang bukai tang bepelasarka MA63, Premier Sarawak, Datuk Patinggi Tan Sri Abang Johari Tun Openg enggau perintah Gempung Parti Sarawak (GPS) chakah negika pengawa nagih baru hak Sarawak baka ba MA63.

“Ti bendar, kitai nagih baru hak Sarawak ti majak lenyau ngelama tu lalu ukai minta hak orang bukai,” ku Kaban Kunsil Nengeri (ADUN) Nangka nya nyemetak.

Dr Annuar madah, maya nemuai ke Semenanjung Malaysia, bisi orang nanya iya nama kebuah Sarawak enda ngetu mantaika peminta ngagai Perintah Besai?

Iya nyemetak madah, beguna amat rayat Sarawak mereti pekara ti benung digaga perintah GPS ti betuai ke Abang Johari ba baruh MA63 lalu rayat ba menua tu patut meretika sejarah bekaul sempekat nya.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya