ARTIKEL

BEJAKU… Sagah rambau dirandau pemberita pengudah bejadi Program Belanda Baton Sukma XXI ba Palan Aum Serian ditu, sehari tu.

Sarawak deka nerima pengajar jaku English ari Singapore

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Sarawak nerima manah perambu mai tama pengajar jaku English ari Singapore nyadi volunteer dikena mantu nambah tikas bejaku English kelebih agi ba menua pesisir.

Menteri Pelajar, Inovasyen enggau Pemansang Penau, Datuk Seri Roland Sagah Wee Inn madah, iya pechaya mayuh menua ngena jaku English diperansang nganjung bala volunteer sida ungkup tuju nya.

“Sebedau tu, kitai bisi Peace Corps Volunteer lalu gerempung tu agi bisi nyentuk sehari tu, bala pengajar volunteer tu datai ari Amerika, New Zealand, Australia enggau menua bukai.

“Engka tu siti ari pekara ti ulih dipeda kitai ari menua bukai lalu sida chakah mantu kitai ngena chara volunteer,” ku iya.

Sagah mansutka jaku nya rambau dirandau pemberita pengudah bejadi Program Belanda Baton Lumba Malaysia (Sukma) XXI ba Palan Aum Serian ditu, sehari tu.

Menteri Besai, Datuk Seri Anwar Ibrahim mantaika perambu mai pengajar jaku English ari Singapore nya ti disema baka skim bantu diplomasi entara menua lalu ukai mai reti Malaysia deka nyiri pengajar jaku English ari menua nya.

Iya madah, pekara ti dikerandau enggau Menteri Besai Singapore, Lawrence Wong iya nya bejalaika skim bantu tauka nyiri siku volunteer tang dibayar perintah Singapore ngajar jaku English ba genturung seranta mengeri, menua pesisir enggau menua ulu ba Sabah enggau Sarawak.

BERITA LAIN

BERITA TERBARU