Sarawak deka terus nagih mayuh agi penuduk Parlimen

SARIKEI: Kepala Menteri, Datuk Patinggi Abang Johari Tun Openg madah, Sarawak deka neruska pengawa nagih minta lebih ari satu pertiga penuduk Parlimen.

Iya madah, pengawa nya beguna amat dikena nentuka ubah enda digaga sengapa bepelasarka penyampau penuduk ke bisi dibanding enggau Sabah enggau Sarawak.

“Nya alai, Sarawak enggau Sabah minta lebih ari satu pertiga penuduk parlimen,” ku iya rambau Pengerami Taun Baru China 2020, Renggat Nengeri Sarawak diatur Gempung Serakup China (UCA) Sarawak.

Diatu, Sarawak bisi 31 penuduk lalu Sabah 25 ari 222 penuduk Parlimen ke bisi diatu.

Maya numbuhka Malaysia kena 1963, Malaya bisi 2/3 penuduk, udah nya laluh iya dipenggi Sabah, Sarawak enggau Singapura (Malaya 104, Singapura 15, Sabah 16 enggau Sarawak 24 kerusi).

Taja pia, lebuh Singapura pansut, 15 kerusi tu diarika nya enda diungkup ngagai Sabah enggau Sarawak.

Suara Sarawak