ARTIKEL

BEJAKU… Awang Tengah rambau dirandau pemberita ditu, kemari.

Sarawak dikeandal nyapai 10,000MW kuasa karan manggai 2030

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak dikeandal nyapai 10,000 Megawatt (MW) bekal kuasa karan ba taun 2030 ari mayuh bengkah pemansut baru ti dilanggur menua tu nyengkaum pemansut biomas arang.

Sapit Premier Sarawak ti mega Menteri Pemansang Mengeri enggau Pengeraja Asal, Datuk Amar Awang Tengah Ali Hasan madahka pekara nya ulih dijapai laban Sarawak ngembuan mayuh bengkah pemansut baru kuasa karan baka ari tekat ai, solar, gas biomas enggau ti bukai.

“Premier Sarawak, Datuk Patinggi Tan Sri Abang Johari Tun Openg udah ngeletak tagit menua kitai nyapai 10,000MW karan ba taun 2030.

“Aku pechaya pekara tu ulih dijapai, mayuh pemansut kuasa karan ulih dirandang menua kitai, semina bepanggai baka ni chara kitai deka nambahka kuasa nya da agi,” ku iya.

Awang Tengah bejaku munyi nya rambau ditanya pemberita ba Pengerami Ngintu Aidilfitri Datuk Amar Awang Tengah: Opis Menteri Pemansang Mengeri enggau Pengeraja Asal sereta Menteri Dagang Antarabansa, Industri enggau Meranak Puku ba Palan Aum Borneo Kuching (BCCK) ditu, kemari.

Ku iya, diatu Sarawak Energy Berhad (SEB) udah dipinta ngatur perambu baka ni ngatur pemansut kuasa karan ari batang paip arang.

“Aku madahka sida, nyema kitai deka ngadu nya, utai tu meseti diatur belama.

“Kebuah pia laban peminta kuasa karan diatu majak niki, nya alai, kitai meseti bisi pelin mungkur perambu Premier Sarawak ti nagit 10,000MW karan ba taun 2030.

“Mayuh pemansut kuasa tu baka ari tekat ai nyengkaum chara tekat beringkat, semina nya agi bepanggai ngagai tikas pengulih ni penyampat kitai ulih ngalihka kuasa tu kelebih agi baka biomas arang nya tadi,” ku iya.

Iya mega madah, pengawa nya nyengkaum nentuka sukut barang mata semampai chukup.

BERITA LAIN

Jaga manah ‘Kumang Menua’ kitai

KUMANG ba budaya kitai Iban chukup besai bendar reti lalu nya ngenang pemajik, pemintar, pemanah budi basa enggau status siku indu dara. Nya alai, ukai

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

Generasi masa hadapan harus dilibatkan dengan STEM

KUCHING: Generasi masa hadapan harus dilibatkan dengan bidang sains, teknologi, kejuruteraan dan matematik (STEM) pada usia muda. Menteri Pendidikan, Inovasi dan Pembangunan Bakat, Datuk Seri