ARTIKEL

Sarawak entiti ke bebida ari nengeri bukai

Facebook
Twitter
LinkedIn
WhatsApp
Telegram
Datuk Patinggi Tan Sri Abang Johari

KUCHING: Ubah gelar Kepala Menteri Sarawak ngagai Premier ukai digaga ketegal pengingin diri tang ungkup selampur nengeri tu.

Kepala Menteri Datuk Patinggi Tan Sri Abang Johari Tun Openg madah, gelar nya ukai ungkup dikemegah tang digaga laban beratika status Sarawak bebida enggau nengeri Serakup Malaya ke bukai.

“Sarawak endang siti entiti ke bebida ari nengeri bukai dalam Malaysia enggau nya patut meruan dijaga seriris enggau Sempekat Malaysia 1963 (MA63).

“Nya alai, pekara tu (ubah gelar Kepala Menteri ngagai Premier) ukai ungkup aku tang digaga ungkup Sarawak,” ku iya.

Iya madah munyi nya nyerumba Pengerami Makai Lemai Beserakup 2022 diatur Gerempung Besai China Bagi Menua Miri di Eastwood Valley Golf & Country Club Miri, ensana.

Nya alai, ku iya pekara nya endang siti penyelai dikena ngaku nengeri tu.

“Nadai Sarawak, Malaysia nadai – nengah pemisi Sarawak enggau Sabah nyadi baru ditumbuhka Malaysia.

“Aku deka madah pekara tu ukai penerang ke leluba ari Kunsil Nengeri (Dun) tang dikena ngaku penyelai Sarawak dalam Malaysia,” ku iya.

Berebak enggau nya, Abang Johari madah pekara nya mega ulih diperati nengah pansik MA63 ke udah disain lima raban iya nya United Kingdom, Serakup Tanah Melayu, Borneo Utara (Sabah), Sarawak enggau Singapura.

“Sida (tuai dulu suba) udah nyain Sempekat Malaysia kena 9 Julai 1963, endur numbuhka siti menua baru diberi nama Malaysia. Beduduk ari nya, Sarawak nyadi siti ari entiti kediri enggau patut diaku.

“Aku ngasaika Perintah Malaysia enggau semua kaban Parlimen ngaku MA63 nitihka Kunstitusyen Perintah Besai lalu ari nya – nyadi sebagi ari bakih kunsi ba baruh Pekara 160 Kunstitusuen Perintah Besai,” ku iya.

Ungkup penemu, ubah gelar Kepala Menteri Sarawak ngagai Premier udah dikemendar nengah pengawa mantaika Rang Undang-Undang Kunstitusyen Nengeri Sarawak (Ubah), 2022 maya aum Dun kena 15 Febuari tu tadi.

Taja pia, naka tu leka jaku Premier ke engkeman dalam jaku Malaysia ungkup penuduk tuai lumur satu Sarawak agi bedau diputuska.

LAIN-LAIN BERITA

Sarawak begunaka otonomi pengerai

SADONG JAYA: Sarawak agi tubah begunaka mesin mamogram ngambi tetangkupka pemayuh tubuh pesakit riman tusu di nengeri tu. Sapit Premier Sarawak, Datuk Amar Profesor Dr

Rebak baru diperansang bekebun lada

BETONG: Nembiak rebak baru diperansang ngaul diri dalam pengawa bekebun kelebih agi nanam lada. Sapit Premier Sarawak Datuk Amar Douglas Uggah Embas madahka menua tu

Asil lada belipat ngena teknologi baru

BETONG: Industri lada di nengeri tu disikap menyana ngambi ulih nerima ubah pemansang enggau teknologi baru, ku Sapit Premier Sarawak Datuk Amar Douglas Uggah Embas.

Siti arung Jalai Tun Ahmad Zaidi ditutup

BINTULU: Siti arung di Jalai Tun Ahmad Zaidi ari Bomba Bintulu nyentuk ke Rumah Kort Bintulu ditu deka ditutup berengkah ari pagila nyentuk 31 Oktober

BERITA TERBARU

Sarawak begunaka otonomi pengerai

SADONG JAYA: Sarawak agi tubah begunaka mesin mamogram ngambi tetangkupka pemayuh tubuh pesakit riman tusu di nengeri tu. Sapit Premier Sarawak, Datuk Amar Profesor Dr

Rebak baru diperansang bekebun lada

BETONG: Nembiak rebak baru diperansang ngaul diri dalam pengawa bekebun kelebih agi nanam lada. Sapit Premier Sarawak Datuk Amar Douglas Uggah Embas madahka menua tu

Asil lada belipat ngena teknologi baru

BETONG: Industri lada di nengeri tu disikap menyana ngambi ulih nerima ubah pemansang enggau teknologi baru, ku Sapit Premier Sarawak Datuk Amar Douglas Uggah Embas.