ARTIKEL

Sarawak keran nangkup peminta dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak betatika pemansang ekonomi gadung nengah pengawa ngemansang ladang kampung, dagang karbon enggau produk nyaga rampa menua di menua tu.

Premier Sarawak, Datuk Patinggi Tan Sri Abang Johari Tun Openg madah, produk baka nya nempa mimit bekau karbon enggau bahan api manahka rampa menua baka hidrogen, hidro, pelet enggau ke bukai.

Berindik ari nya, iya madahka Sarawak ngemansang ladang kampung nentuka bekal kayu meruan enggau ulih dikemaru ungkup industri kayu ramu.

“Nyadi pemekal kayu ngagai makit dunya nya beguna amat nentuka produk kitai nangkup agenda ubah klimet dunya.

“Pekara tu seraris enggau peminta penguna ba produk mimit karbon ari pemansut meruan enggau undang-undang sereta disukung setipikit bekaul, kerejasama komuniti, inovatif lalu besemekih netapka rega,” ku iya.

Abang Johari mansutka jaku nya lebuh bejadi Pengawa Nutup Aum Besai Antarabansa Injiniring Kayu Ramu 2023 ba Palan Aum Borneo Kuching (BCCK), ditu kemari.

Iya madah, industri tu bisi pengulih terus dikemansang lebuh ngena pengelebih sereta nyeraris dagang dunya.

“Nya kebuah, Perintah Sarawak megda udah nyeraris pekara nya nengah pemansang polisi baka ngena kuasa beresi enggau ulih dikemaru, ekonomi hidrogen, ngumpul, nangkap enggau nyual karbon, ladang kampung, ekonomi digital enggau Strategi Pemansang Pengudah COVID-19 2030 (PCDS 2030).

“Menua tu mega udah ngubah Kanun Tanah enggau Ordinan Hutan dikena matau enggau ngemuntangka pengawa nangkap, ngumpul enggau nyual karbon di Sarawak,” terang iya.

Iya madahka pemansang kampung ti ditanam meseti ditambah dikena mansutka mayuh asil enggau kayu batang bekualiti ngambi ngerumban pemansang industri ili kayu menua.

“Pengulih pengawa nanam buluh chakah dipejalai nyadi produk baru dikena nyukung enggau ngangkatka industri.

“Sarawak kaya enggau pemansut biojisim ti ulih dikemaru kelebih agi kayu getah, buluh, mulung, batang sawit enggau Acacia mangium.

“Pemansut tu manah ungkup pemansut produk berega kelebih agi biofuel baka arang, pelet enggau karbon teraktif,” terang iya.

BERITA LAIN

BERITA TERBARU

Penganjuran Samarahan Family Fun Run promosikan ART

KOTA SAMARAHAN: Dalam usaha mempromosikan Transit Aliran Automasi (ART), acara ‘Samarahan Family Fun Run 2024’ bakal dianjurkan bagi memberikan kesedaran kepada orang ramai menggunakan perkhidmatan