KUCHING: Sarawak ngelalu rentayan kerejasama sereta bekunsi penemu begulai enggau menua bukai nyengkaum menua Jipun enggau China ba industri mansutka benih.
Premier Sarawak, Datuk Patinggi Tan Sri Abang Johari Tun Openg madah, Sarawak diatu udah ngemeran konsep pintu tebuka ba pemansang teknologi lalu chakah ngaul diri bekaul kerejasama bejalaika pansik.
“Ari pengawa mansutka benih bekualiti, Jipun udah ngining rantau tu ungkup pemansang industri sida kelebih agi ari sukut benih buah semangka enggau melon ti patut diperebut orang dagang.
“Pengawa Mansik enggau Pemansang (R&D) beguna ba industri benih, nya alai aku meransang opis menteri bekaul ngelala chara betanam ti engkeman dikena ngasilka benih bekualiti tinggi,” ku iya.
Abang Johari bejaku munyi nya rambau program ‘Pagi Hari Minggu Begulai Premier 2.0: Randau enggau Orang Dagang Biak Bekaul Ekonomi Baru’ ba sebuah hotel, ditu tadi.
