Sarawak ngembuan geliga ti chukup berega

KUCHING: Nengeri Sarawak baka dara bajik, pia ku jaku Kepala Menteri Datuk Patinggi Abang Johari Tun
Openg lebuh madahka penemu komuniti luar pasal nengeri tu.

Abang Johari madah, Sarawak ngembuan geliga ti berega enggau penegap ke bisi ba nengeri tu didinding
sekeda piak.

“Geliga tu sama baka dara bajik lalu mensia endang rindu meda utai ti manah-manah.

“Ari pekara nengeri tu, Sarawak sempama baka geliga ba dalam Malaysia ,” ku Abang Johari.

Iya mansutka jaku nya lebuh Pengerami SAMArindok Aidilfitri Amanah Khairat Yayasan Budaya Melayu
Sarawak (AKYBMS) di sebuah hotel tebilang, ditu ensana.

SAMA BERAMI… Datuk Patinggi Abang Johari Tun Openg dipeda chukup gaga maya ngulu Pengerami
SAMArindok Aidilfitri Amanah Khairat Yayasan Budaya Melayu Sarawak (AKYBMS) di sebuah hotel ti tebilang,
ditu ensana. -Gambar RAMIDI SUBARI

Iya nambah, Sarawak tu reta berega enggau mayuh orang berebut deka ngulihka reta tu.

“Aku andal, semina anak Sarawak aja ti ulih ngetanka nengeri tu.

“Kitai semua meseti beserakup ngetanka hak kitai ba nengeri tu,” ku Abang Johari madah.

Kenu ku Abang Johari, AKYBMS udah ngetanka main asal, hak kitai enggau mandangka chara idup Melayu
ngagai tikas ke tinggi agi.

“Kitai udah mujur berenggat lalu kitai patut sama bela ngetanka hak ke bisi ba bumi kenyalang nyengkaum
tanah enggau pekara bukai.

“Kitai deka semua rayat ba nengeri tu ngena perengkaguna ti disediaka dikena ngangkatka diri nyengkaum
dalam sektor betanam betupi,” ku Abang Johari.

Ku iya, semua perengkaguna pengangkut ti manah enggau teknologi disedia nyengkaum ba sitak menua
pesisir deka mantu nyungkak penatai pemisi.

“Kitai enda ngasuh orang luar ngempu tanah nya laban tanah ba nengeri tu deka mansutka asil ti mayuh,” ku iya
nerang.

Sama datai ba pengerami tu, Chairman AKYBMS ti nyadi Sapit Kepala Menteri, Menteri Pemansang Mengeri
enggau Pengeraja Asal ti nyadi Menteri Industri enggau Dagang Sarawak Datuk Amar Awang Tengah Ali
Hasan, Sapit Kepala Menteri Datuk Amar Douglas Uggah Embas, Speaker Kaunsil Nengeri Sarawak (Dun)
Datuk Amar Mohamad Asfia Awang Nassar, Sapit Chairman AKYBMS ti nyadi Menteri Muda e-Dagang enggau
nyadi Menteri Muda Pemansang Dagang Mit enggau Jelan Pemesai (PKS) Datuk Mohd Naroden Majais, bala
menteri muda sereta pengari rayat ke bukai.

Suara Sarawak