ARTIKEL

BEJADI… Snowdan (tengah) sereta bala bukai rambau ngelanchar Pavilion Sarawak ba IMEX Franfurt, Jerman ditu, kena Hari Dua tu tadi.

Sarawak ngembuan mayuh produk dagang temuai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman rambau ngelanchar Pavilion Sarawak kena 14 Mei tu tadi ungkup taun kedua.

Ungkup rikod, IMEX Frankfurt palan aum dunya, program enggau industri dagang temuai insentif begempuru ninting taun dikena ngatur eksibisyen dagang pemadu besai sebaka ba Eropah.

Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan madah, taun tu nyadi taun kedua Sarawak ngambi bagi ba IMEX Frankfurt nengah pavilion.

“Kami gagit ulih begulai enggau kita baru sereta nyendia mayuh agi produk dagang.

“Ba taun nyin kemari, Premier Sarawak madahka tu meh maya Sarawak patut nyadi Modal Pesaka Program Dagang ba Malaysia enggau Borneo.

“Kami chukup temegah enggau pemutus tu laban Sarawak diaku enggau dikelala nyadi kuasa program dagang ba rantau Asia Tenggara.

“Inisiatif kami meri perati ngagai pengawa nyungkak empas legasi nengah program dagang lalu taun nyin kemari, kami ngelanchar Pelin Atur Besai Empas Legasi nyentuk 2025 ba IMEX,” ku iya.

Snowdan mansutka jaku nya rambau ngulu diligit ngagai eksibisyen dagang sereta ngelanchar Pavilion Sarawak kena Hari Dua tu tadi.

Tampung iya, nyadi Model Pesaka ukai semina siti penyulut ti muntang diulih tang nadai utai enda ulih dikereja.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU