ARTIKEL

Sarawak ngemudi ICOMOS 2026

Facebook
Twitter
LinkedIn
WhatsApp
Telegram

KUCHING: Sarawak nurai sejarah baru pengudah dipilih nyadi tuai rumah Aum Besai Tiga Taun Sekali Ke-22 Kaunsil Antarabansa Monumen enggau Taba Besejarah (ICOMOS G-A-2026) ti keterubah ba Asia Tenggara lalu ditaga diatur belabuh ari 17 nyentuk 24 Oktober 2026.

Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim Rahman Hamzah madah, program ti deka diatur di Kuching nya disadang ulih ngasil empas ekonomi penyampau RM16.3 juta lalu belanja terus ari bala deligit penyampau RM8.9 juta enggau asil chukai penyampau RM984,000.

“Program tu mega disadang nyendia 1,301 peluang pengawa ungkup komuniti Kuching,” ku iya ba aum pemberita pasal program nya ti deka diatur ba Baitul Makmur II, Petra Jaya ditu, kemari.

Program antarabansa nya keterubah iya diatur di Malaysia enggau Asia Tenggara.

Seraya nya, ku Karim, program nya disadang ulih matak 2,000 pakar enggau profesional pesaka main asal ari 130 menua ti bisi kaul.

“Sida deka ngambi bagi enggau aktif ba aum kelimpah nemuai ngagai taba pesaka main asal sereta rampa menua asal di Sarawak enggau Malaysia,” ku iya.

Ku Karim baru, pemujur diberi peluang ngatur ICOMOS G-A-2026 disadang meri pemaik pekara rama, main asal enggau ekonomi ti positif ngagai nengeri sereta menua seraris enggau Strategi Pemansang Pengudah COVID (PCDS) 2030 sereta pengekih Malaysia ngintu enggau ngatur pesaka main asal.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Allahyarham Tun Taib, Arkitek Pemodenan

MIRI: Yang di-Pertua Negeri Tun Pehin Sri Abdul Taib Mahmud digambarkan sebagai seorang Arkitek Pemodenan kerana sepanjang perkhidmatannya sebagai Ketua Menteri, beliau berjaya mengangkat serta