KUCHING: Opis Pengerai Nengeri Sarawak (JKNS) ngerikod dua kluster baru sehari tu, Kluster Indah Riang ba Pelilih Kuching enggau Kluster Bedayan di Pelilih Serian.
Kluster Indah Riang nya ngaul Pelilih Kuching, Samarahan, Simunjan enggau Saratok ba Sarawak.
Kluster Bedayan ngaul Pelilih Serian enggau Samarahan. Indeks kes ngagai kluster tu iya nya kes ke-2,545 ti udah ditemu kena 20 Januari tu tadi asil beperesa ba sebuah klinik pengerai di Serian.
Nambahka nya, 12 iku agi kes udah ditemu positif nyengkaum dua kes baru sehari tu mega asil pengawa nyidi kontak semak kes.