ARTIKEL

Sarawak nyapai tagit nanam lebih lapan juta pun kayu

Facebook
Twitter
LinkedIn
WhatsApp
Telegram

BETONG: Sarawak nanam lebih lapan juta pun kayu sepanjai taun 2023 ngelui ari tagit ninting taun nanam tujuh juta pun kayu ba bemacham endur baka ba tanah perintah, mengeri, sekula enggau ke bukai.

Sapit Direktor Kampung (Atur Kampung) Opis Kampung Sarawak (JHS), Semilan Ripot madah, pengawa ngubah baru nama program restorasyen landskap kampung ngagai Kimpin Gadung Sarawak nagit nanam 35 juta pun kayu ba timpuh lima taun.

Ku iya, naka diatu Sarawak mujur ngerikod pengawa nanam pun kayu pemadu tinggi entara nengeri enggau penyampau 29,295,293 pun kayu.

“Taun tu aja, Sarawak udah ngelui ari tagit nanam tujuh juta pun kayu setaun enggau rikod naka sehari tu manggai 8,568,594 pun kayu,” terang iya.

Semilan mansutka jaku nya ba Program Nanam Pun Kayu serimbai Le Tour De Restoration 2.0 (Kimpin Gadung Sarawak) di Kompleks Opis Perintah Nengeri, ditu kemari.

Terang iya, Sarawak ngembuan kampung pemadu besai dibanding nengeri bukai di Malaysia iya nya 62 peratus tauka 7.6 juta hektar dibanding pemesai nengeri 12.44 juta hektar.

“Tu nyadi penyungkak pemadu besai ngagai kampung Malaysia iya nya 44 peratus.

“Kebuah pia laban kitai bisi polisi ngatur kampung ti meruan enggau berurun.

“Ripot Tuai Audit Menua 2023, Renggat Dua Sarawak iya nya Audit Khas Atur Kampung enggau Empas Ngagai Rampa Menua ti dikeluar kena 6 Januari 2023 enggau dibantai ba Aum Parlimen kena 16 Februari 2023 mega nyimpul semua kampung di Sarawak udah dikemansang chara meruan.

“Tuju nya meri pemaik ngagai ekonomi rama enggau nyaga pemeruan rampa menua.

“Tu mega nentuka kampung diintu meruan sebela enggau program pemansang ti dipejalai, bemacham inisiatif dipejalai JHS baka Program Restorasyen Landskap Kampung ti udah diangkat nyadi agenda besai Perintah Sarawak dikena ngemanah ekologi kampung sereta ngangkat pengelantang komuniti,” terang iya.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Sawit naik RM3,750 satu tan

KUALA LUMPUR: BMI Country Risk & Industry Research (BMI), sebuah badan di bawah Fitch Solutions Group Ltd, telah membuat semakan dan menaikkan unjuran bagi harga

JKT penolong jurulatih Kuching City FC ‘B’

KUCHING: Keterujaan buat bekas penyerang berpengalaman yang juga kapten Kuching City FC, Joseph Kalang Tie, 37, dalam menelusuri dunia bola sepak dengan persepsi berbeza. Jika

Dua sahabat didakwa cubaan bunuh lelaki

KUCHING: Dua sahabat didakwa di Mahkamah Sesyen hari ini, atas pertuduhan cubaan membunuh seorang lelaki berusia 36 tahun dalam satu kejadian tular di media sosial