ARTIKEL

Sarawak, Sabah ulih lenyau kuasa enti RUU Profesyen Luyar 2019 dikemendar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak enggau Sabah deka lenyau kuasa ba profesyen undang-undang baka ti dipaduka baruh Ordinan Mengeri nyema Rang Undang-Undang (RUU) Profesyen Luyar 2019 dikemendarka ba Dewan Rayat.

Kaban Parlimen Santubong Datuk Seri Wan Junaidi Tuanku Jaafar madahka isi ti dipejurai dalam RUU nya ila deka ngasuh Ordinan Sarawak enggau Sabah ti megai profesyen luyar deka lenyau nyema RUU nya dikemendar.

Kelimpah nya, Gerempung Luyar Sarawak mega deka dikinsil nengah undang-undang dibaruh RUU tu.

“Dalam merambu RUU tu, udahka semua orang ti ngempu pengawa ditanya? Perintah Mengeri, Luyar Mengeri enggau orang ti beguna amat bekena ke undang-undang ba kedua mengeri?

“Nemu ke tu siti agi jalai kena Malaya ngena pintu belakang enda kiruhka Pekara 161B(1) Perlembagaan Persekutuan?” ku tanya iya ba media seharitu.

Wan Junaidi nambah perintah Sarawak enggau raban luyar Sarawak sereta enggau sida ti ngembuan setipikit meseti ditanya dulu sentang isu tu.

“Aku ngarapka tu ukai siti agi jalai kena nulak enggau ngerampas hak kita sebaka ti digaga Malaya lebuh sida nulak mayuh undang-undang mengeri lalu enda peduli ke atur ti udah ditetapka Perlembagaan Persekutuan.

“Enti nadai berunding, aku deka madah tu udah ngelanggar konstitusyen,” ku iya.

Iya bebendar madah rayat Sarawak ngambika meseti bediri enggau bejaku kena ngelindung hak rayat enggau Konstitusyen Perintah Besai.

Ke diatu bisi tiga bengkah profesyen undang-undang ba Malaysia iya nya Malaya, Sarawak enggau Sabah ti diperintah tiga set undang-undang dalam semua atur ti dijaga.

Dulu ari nya, Wan Junaidi madah RUU nya komprehensif laban nyengkaum semua sukut undang-undang ti kala dikena ba Malaysia.

Ku iya objektif penting dalam nyampur profesyen undang-undang ba menua tu enggau ngeririska semua aspek baka kelayakan, disiplin enggau penumbuh siti firma nyentukka firma luyar bekunsi.

Taja baka nya, iya sekali agi nekan ke pekara tu meseti diperatika sebedau luyar Sarawak enggau Sabah sereta perintah ba kedua mengeri nya ngaga pemutus, laban nya ukai semina ngacau profesyen undang-undang Sabah enggau Sarawak tang nyengkaum pegawa ngurus kedua mengeri.

 

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Dua saspek curi motosikal berjaya dicekup

MIRI: Seorang lelaki tempatan dan warganegara Indonesia yang terlibat dalam kes curi motosikal berjaya ditangkap oleh pasukan Bahagian Siasatan Jenayah Ibu Pejabat Polis Daerah (IPD)

Pelakon veteran, Kamal Bakar meninggal dunia

KUALA LUMPUR: Pelakon veteran Kamaruldzaman Bakar atau lebih dikenali Kamal Bakar meninggal dunia di Hospital Melaka awal pagi ini. Pemergian pelakon itu pada usia 62

Awas cuaca panas, jerebu

BARU-BARU ini, kita dikejutkan dengan insiden strok haba dan demam yang melibatkan kanakkanak. Ia disebabkan keadaan cuaca panas atau fenomena El Nino yang turut dipengaruhi

Tujuh lelaki ditangkap terlibat sabung ayam

MIRI: Tujuh lelaki berjaya ditangkap dalam serbuan sabung ayam di kawasan Kampung Bersatu, di sini, baru-baru ini. Ketua Polis Daerah Miri Asisten Komisioner Alexson Naga