Sarawak sehari tu ngerikod enam kes baru

KUCHING: Bisi enam kes positif Covid-19 dirikod Sarawak sehari tu, ngaul lima kes di Bintulu enggau siti di Lawas.

Chairman Komiti Penyangga Penusah Nengeri Sarawak (JPBNS) Datuk Amar Douglas Uggah Embas madahka tu ngujungka kes positif Covid-19 di nengeri tu manggai 1,105 kes diatu.

“Kes 1,100 dirikod di Lawas, siku indu peranak menua (Sarawak) udah beperesa Covid-19 laban merambu pulai ngabas sida sebilik di Miri.

“Kes udah beperesa RT-PCR kena 24 Disember lalu pemutus positif, diatu iya dipasuk ba Sepital Miri,” ku Uggah ba aum pemberita Covid-19 ninting hari di Sarawak, tadi.

Ku iya, lima kes di Bintulu nya ditemu positif kena 24 Disember lalu udah dipasuk berubat di Sepital Bintulu.

Ke rikod, pansik silik enggau nyidi kontak semak semua kes nya benung chakah dipejalai.