Sarawak setuju nitih PKPB

KUCHING: Perintah Sarawak besetuju nitihka Atur Tagang Pejalai Besyarat (PKPB) dilanjarka ngagai 9 Jun 2020 seriris enggau pekara ke udah dibantaika Menteri Besai Tan Sri Muhyiddin Yassin, lemai tu tadi.

Sekretariat Komiti Penyangga Penusah Ngenyit Nengeri Sarawak (JPBNS) ba siti penerang madahka Perintah Sarawak besetuju nitihka atur ke udah dibantaika Perintah Besai.

Ba sektor ekonomi ti dikemendar dibuka kenaka 12 Mei tu, semua Standard Atur Pengawa (SOP) udah disediaka Perintah Sarawak ngambika ulih dikena nyentuk ngagai 9 Jun tu ila.

JPBNS udah minta genap Residen ngambika nambah sereta neritka pengawa matau enggau pengawa neritka atur ba semua sektor ekonomi ti deka dibuka kenaka 12 Mei tu.

Suara Sarawak