ARTIKEL

Sarawak Skills nyendia program latih gentian optic

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Nipakka pangku pengawa nyadi raban bekaul transfomasyen pemansang digital, ekonomi enggau pelajar Sarawak, Raban Institusyen Belajar Sarawak Skills (Sarawak Skills) deka nyendiaka Program Latih Gentian Optik berengkah bulan Ogos tu.

Ngelansa pasal program latih nya, Direktor Eksekutif Sarawak Skills enggau Chairman Besai Palan Pemansang Pengelandik Malaysia (FMSDC), Hallman Sabri madah, Sarawak Skills udah nerima mayuh peminta ari bemacham sektor industri ngambi nyendiaka program latih gentian optik di Kuching.

Ku iya, program latih pengelama dua hari deka diatur ba Sarawak Skills Tabuan Jaya, Kuching kena 22 enggau 23 Ogos tu.

“Ungkup pengaji ti berejister enggau HRD Corp, bayar kus nya HRD Corp ti ulih ditagih.

“Nengah pemansang ekonomi digital, bisi peminta nyikap pengereja pengawa ngena penemu enggau pengelandik ti relevan ngambi maju ba ekonomi dunya ti majak berubah enggau besemekih.

“Program latih gentian optik deka nyadi inisiatif besai ngemansang pakar teknikal ti diguna dikena nyukung transfomasyen enam sektor ekonomi besai Sarawak nipakka Strategi Pemansang Pengudah Covid-19 Sarawak 2030 (PCDS 2030),” terang iya.

Hallman mega madah, ba dunya digital deras diatu, peminta nganjung data enggau ulih dipechaya majak mansang.

Ba pekara tu, teknologi gentian optik ngembuan tanggungpengawa besai nyendiaka jalur lebar enggau integriti tinggi.

Nambahka nya, gentian optik mega dikumbai pemun nganjung data moden.

Ditengkebang pakar industri, program latih deka mungkur pengawa mansang gentian optik, peresa, nguji enggau ke bukai.

Ba program dua hari nya, praktikal deka nentuka bala penyereta bulih penemu enggau pengelandik chara terus ba pengawa bekaul baka chara mansang Projek Rentayan Kabel Gentian Optik, Masang Loji Dalam (ISP), Peresa, Nguji enggau ke bukai.

Program tu deka nambah penemu enggau pengelandik bekaul industri ungkup raban bekaul dalam industri tu nyengkaum juruteknik, injinir projek enggau supervisor.

Pengawa rejister benung dipejalai ungkup program latih gentian optik.

Barang sapa ke deka nemu penerang silik tauka tanya bukai tau telefon nuju Menijar Latih Korporat, Sarawak Skills, Adrian Hon nengah lumur 082-539222 tauka 016-8661017 tauka nengah email adrian@ppks.edu.my.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU