ARTIKEL

Sarawak Skills, PPD Samarahan bekerejasama ba pengawa nambahka pengelandik pengajar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kerjasama ti ditanggam Palan Pemansang Pengelandik Sarawak (Sarawak Skills) enggau Opis Pelajar Pelilih Samarahan (PPD Samarahan) nengah Sempekat Pemereti Ati (MoU) ti disain kemari deka nambahka pengelandik bala pengajar.

Nitihka penerang, nya singkang keterubah sereta besai guna dikena muka peluang ngagai orang mayuh kelebih agi nambahka pengelandik pengajar nengah Sains Teknologi, Injinir enggau Matematik (Stem) sereta Pelajar enggau Latih Teknikal enggau Vokasional (TVET).

MoU nya udah disain Direktor Eksekutif Palan Pemansang Pengelandik Sarawak (PPKS) Hallman Sabri enggau Pegawai Opis Pelajar ari Opis Pelajar Pelilih Samarahan, Sapiee @ Sapawi Mahdi.

Pengawa tu mega udah dikemata Sekretari Kaunsil Pengatur Pengawa PPKS, Datuk Maznah Dasmi di auditorium Sarawak Skills, Tabuan Jaya, ensana.

Berebak enggau nya ku Hallman, MoU nya sebagi ari inisiatif Sarawak Skills enggau PPD Samarahan dikena nambahka penemu, pengelandik enggau pemintar pengajar dalam pengawa ngajar enggau belajar seriris enggau pelaja jeman ke-21.

“Nyadi penyedia latih dikena nambahka pengelandik, Sarawak Skills deka nyendiaka pelasar ngagai kededua raban bekunsika penemu sereta pengelandik pasal program STEM enggau TVET setipak enggau peminta industri,” terang iya.

Ku Sapawi, batang tuju MoU nya nitihka pansik nunjukka 70.9 peratus pengajar sekula primari enggau sekondari di Samarahan ti apin nguasa penuh tikas pengelandik ngena komputer enggau penemu Arduino Reka Bentuk dan Teknologi (RBT).

“Nengah Revolusyen Industri 4.0 (IR4.0), bemacham inisiatif udah dipejalai nyikap pengajar kitai kelebih agi meretika pengawa bekenaka teknologi sereta gajet,” terang iya baru.

Sama datai Tuai Penulung Direktor Unit TVET, Opis Pelajar Nengeri Sarawak (JKNS) Sathi Savarana Subramaniam, Penulung DirektorUnit TVET (JKNS) Zamri Sahaat, Sapit Direktor Eksekutif Pelajar, Latih enggau Servis Nembiak Sarawak Skills Zakri Md Salleh sereta pengari bukai.

BERITA LAIN

BERITA TERBARU