ARTIKEL

PENEMUAI BASA… Dr Juanda enggau pegawai UNIONS nerima penemuai basa ari deligit Duta Besai Sweden ke Malaysia kena Hari Dua tu tadi.

Sarawak, Sweden nanggam kerejasama ba pekara ombudsman

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Inisiatif Perintah Sarawak ngelakuka atur pengawa ti manah ungkup sebuah wilayah ti lantang sereta maju agi ditegapka agi nengah kerejasama rat enggau menua Sweden.

Sapit Menteri ba Opis Premier Sarawak (Integriti enggau Ombudsman), Datuk Dr Juanda Jaya madah, nya endang inisiatif beguna sereta malin pemadu manah.

Iya madah, kebuah pia laban Sweden ngembuan sistem ombudsman pemadu tuai ba dunya iya nya berengkah ari taun 1809.

“Nya alai, aku ngarap penemuai Duta Besai Sweden ke Malaysia, Dr Joachim Bergstorm enggau ex Ombudsman Ungkup Nembiak Mit Sweden, Elisabeth Dahlin ngagai Unit Integriti enggau Ombudsman Sarawak (UNIONS) tu deka negapka agi kerejasama kami.

“Pia mega, nyerungkai peluang kerejasama kelebih agi ba pekara bekaul pengawa bejalaika sistem ombudsman ti ulih meri pemaik timpuh panjai ngagai kededua menua,” ku iya.

Dr Juanda mansutka jaku nya pengudah nerima penemuai basa ari deligit Duta Besai Sweden ke Malaysia ditu, Hari Dua tu tadi.

Ba penemuai nya, kededua raban nya bela bekunsi buah runding enggau peneleba bekaul atur pengawa manah ba pengawa bejalaika ombudsman kelebih agi ba Sweden.

“Nambah ke nya, penemuai basa tu siti inisiatif beguna ba pengawa meransang atur pengawa ti manah enggau ngasi agi,” ku iya.

BERITA LAIN

BERITA TERBARU