KUCHING: Sarawak ulih nyadi nengeri pemungkal numbuhka Palan Ngintu Pesakit Psikiatri ungkup orang kampar ti ditepan penyakit nya.
Premier Sarawak Datuk Patinggi Tan Sri Abang Johari Tun Openg madah, pekara nya ngambi rayat ngasai diri dikeibuhka komuniti enggau meri penegap enggau otonomi ngagai sida.
“Palan tu ulih ditumbuh dikena mantu orang kampar ti nadai ruang bilik enggau ditepan penyakit psikiatri tang sida agi ulih diintu, ngatika diri enggau ulih gawa.
“Nya mega ungkup mantu orang kampar ti nadai kaban belayan,” ku iya.
Abang Johari bejaku munyi nya rambau bejadi Gempuru Pengerai Runding Sarawak Ke-6 2023 ngena rambai jaku ‘Diversifying Mental Health Specialties in Borneo’ di sebuah hotel ditu tadi.
Ku iya, servis psikiatri enda ulih ngatika diri laban tebal agi kes nya bisi kaul enggau pekara rama enggau kebuah bukai.
