ARTIKEL

TEMEGAH… Sarjan Norzubairy Abdul Jalil temegah ngempu gelar champion ba kategori AIO.

Sarjan Norzubairy, champion Anugerah Integriti PDRM 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

INDUN SILONG
suarasarawak.sv@gmail.com

SERIMBAI Hari Polis Ke-217, Sarjan Norzubairy Abdul Jalil ari Unit Pansik Penyalah Komersil Indu Opis Polis (IPD) Pelilih Menua Kapit udah ngemegah Sarawak laban nyadi champion Anugerah Integriti Polis DiRaja Malaysia (PDRM) 2024 ungkup kategori Penulung Pemesai Pemansik (AIO).

Dulu ari nya, iya udah nyadi champion ba renggat nengeri bepekit enggau raban pemesai polis bukai ari selampur Sarawak.

Intebiu Anugerah Integriti Renggat Kontinjen Sarawak udah diatur ba tiga palan bebida belabuh ari 29 Januari nyentuk 9 Februari tu tadi ba Zon Utara, Tengah enggau Selatan.

Ungkup penerang Anugerah Integriti PDRM 2024 bisi semilan kategori.

Nya nyengkaum Pemesai Kanan Polis, Pemesai Pemansik Kanan SIO, Pemesai Pemansik, Pemesai Pengatur, Penulung Pemesai Pemansik AIO, Pemesai Atur Pengawa, Pemesai Sukung, Pengereja Pengawa Gred 29 Ke Atas enggau Pengereja Pengawa Gred 11-Gred 28.

Ngelansa pandak, Norzubairy ngarapka anugerah nya nyadi pun semangat iya meri servis ti manah enggau nyulut agi dudi hari.

Iya ke tebilang agi dikangau Harry D’Crystal nya siku pemerindang industri muzik Iban mangku pengawa nyadi Penulung Pemesai Pemansik Penyalah Komersil ba IPD Kapit.

Beumur 37 taun, Norzubairy mega kala mangku pengawa nyadi Penulung Pemesai Pemansik Penyalah Komersil ba IPD Sibu sepengelama tujuh taun sebedau belidar gawa ngagai IPD Kapit.

Bantai nama champion dipenyadi Direktor Opis Integriti enggau Atur Standard Bukit Aman CP Datuk Sri Azri Ahmad kena 28 Februari tu tadi.

Nyerumba Hari Polis Ke-217 tu tadi sebuah program nyuaka plak ngagai bala champion ti ngarika kontinjen Sarawak bisi diatur.

DIAKU…. Norzubairy (kanan) nerima plak Anugerah Integriti Polis DiRaja Malaysia (PDRM) 2024 bagi kategori AIO ari Datuk Mancha Ata.

Program nya mega udah dipenyadi Kepala Polis Sarawak, CP Datuk Mancha Ata.

Sama bisi datai, Sapit Kepala Polis Sarawak, DCP Datuk Ibrahim Darus enggau 150 iku bala pemesai bukai.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)