KUCHING: Shiroh Campsite enggau Chalet (SCC) bisi nyendia produk dagang temuai baru bepelasarka glamping tauka glamourous camping ngambi bala temuai ulih ngasaika penelaba meda remang ari atas bukit enggau nyamai agi.
Pia mega, palan nya bisi nyendia mini bar, palan nyumai, palan manggang enggau kereban berapi ti bukai.
Sida bisi nyendia dua pakej produk baru nya baka Pakej A ungkup dua ngagai lima pengusung enggau rega semina RM300 semalam.
Lalu Pakej B ungkup lebih ari lima pengusung entara enam ngagai 10 pengusung enggau rega semina RM400 semalam.
Nya alai, mensia mayuh ti rindu ke pengawa bemarin enggau nimpang pemanah rampa menua diperansang ngelawa palan nya ti bepalan ba Kampung Sapit, Padawan.
