Sebuah motosikal angus ba Jematan Lanang

SIBU: Sebuah motosikal angus lengis ba penusah ke nyadi ba Jematan Lanang ditu, kemari.

Palan Gerakan Operasyen Bomba Sarawak dalam penerang media kemari madahka, penusah nya nyadi pukul 1.13 lemai.

Ku pengari Balai Bomba enggau Penyah Penusah (BBP) Sentral Sibu nerima kangau ngenyit lalu beguai ngagai palan penusah nyadi.

“Bisi 10 iku raban enggau sebuah FRT enggau EMRS ti betuaika PBK II Yusuf Tar diasuh ngesah penusah nya,” ku iya.

Iya nandu, datai ba palan nya, motosikal ti diripotka udah angus 90 peratus lalu orang ti ngempu motosikal nadai dia.

“Piak bomba terus ngerara api ngena perengka sida lalu api mujur dipadam,” ku iya.

Tandu pengari bomba nya, operasyen tembu pukul 1.31 lemai.

Naka berita tu ditulis, pun penyadi kes agi bedau dipansik.

Pendiau motosikal ke udah retung.