Sebuah rumah, tiga kerita retung

MIRI: Sebuah rumah enggau tiga buah kerita retung ba penusah angus di Lorong Interhill 2, Ocean Park, ditu pagi kemari.

Ketuai Bomba enggau Penyah Penusah Miri Law Poh Kiong madahka seraban bomba berumban ngesah palan nya pengudah nerima kangau ngenyit pukul 9.24 pagi.

Ku iya, lebuh datai ba endur nya raban bomba meda sebuah kerita angus ba palan paking kerita mua rumah.

“Penusah angus tu mega nganguska dua buah kerita sebedau nyerarai ngagai dik enggau dalam rumah.

“Operasyen ngerara api terus dipejalai taja raban nya napi pemar ngerara api dalam rumah laban arus kuasa karan agi aktif enggau bedau diputung,” ku iya meri penerang, kemari.

Nitihka penerang ari komander operasyen, penusah angus tu nganguska 100 peratus dua buah kerita enggau sebuah agi semina angus 50 peratus.

Penusah angus tu mega udah nganguska rumah dua ringkat.

Nadai bakal tauka penusah ti nabanka nyawa diripot lalu kebuah penusah angus tu nyadi agi dipansik.

ANGUS… Bomba benung ngerara teda api ti ngaguska rumah nya.

Suara Sarawak