MIRI: Pengudah diberi pengandal enggau dichiri baru nyadi Datuk Bandar Miri, Adam Yii Siew Sang keran bejalaika tanggungpengawa enggau manah.
Iya deka bejalaika tanggungpengawa nya sereta neruska misyen begulai enggau kaban Kaunsil Mengeri Miri (MBM) ti dichiri nampung pemansang mengeri pintar di wilayah utara.
“Kami meri pengaga ati ngagai kaban MBM ti baru dichiri lalu kami pechaya sida keran gawa nyaga pengelantang enggau pemansang mengeri Miri,” terang iya.
Taja pia, iya meri terima kasih ngagai ex-kaban MBM nyengkaum sapit iya ngelama tu udah bebendar gawa ungkup pemansang Miri.
“Terima kasih ke pengeransing sida udah bejalaika tanggungpengawa enggau manah mai pemansang ti nyadi peransang ngagai semua,” ku iya.
Ku Adam Yii, ba timpuh tiga taun agi, iya ngarap semua kaban MBM bekerejasama enggau pangan diri mai pemansang ngagai mengeri pintar Miri.
