KUCHING: Kaban Kunsil Nengeri (Adun) Batu Lintang See Chee How nyurutka diri nyadi kaban Parti Sarawak Bersatu (PSB).
Speaker Dun Sarawak Tan Sri Datuk Amar Mohamad Asfia Awang Nasar madahka iya nerima surat ari Chee How kena 12 Ogos tu tadi bekaul pekara nya.
“Kena Hari Lima (12 Ogos) aku nerima surat ari Adun Batu Lintang See Chee How, dalam surat nya iya madahka diri udah nyurutka diri nyadi kaban PSB tekala nya.
“Bekau iya nyurutka diri ari kaban PSB, penuduk raban parti dalam Dun Sarawak bisi berubah iya nya Gempung Parti Sarawak (GPS) 76 penuduk, PSB tiga penuduk, Parti Tindakan Demokratik (DAP) dua penuduk enggau Independent siti penuduk,” ku iya.
Asfia bejaku munyi nya ba aum media Speaker Dun Sarawak di Bilik Media Dun ditu, pagi tadi.
Dalam surat padah nyurutka diri nya, Asfia madahka Chee How semina madahka diri badu nyadi kaban PSB tekala nya.
Berita penuh ulih dipeda ba surat kabar Suara Sarawak pagila.
