Sehari tu nadai kes baru positif Covid-19

KUCHING: Dua kes baru Covid-19 diripotka mujur suman sereta udah dikemendar pansut ari sepital di Sarawak, sehari tu.

Nya ngujungka diatu bisi 537 iku tauka 94.21 peratus orang ke positif Covid-19 udah suman sereta dikemendarka pansut ari sepital.

Sekretariat Komiti Penyangga Penusah Ngenyit Nengeri Sarawak (JPBNS) madahka dua kes nya diripotka suman ba Sepital Besai Sarawak (SGH).

Nadai kes baru positif Covid-19 dirikodka nyadi di Sarawak, lalu kes positif ba nengeri tu sehari tu mengkang 570 kes.