ARTIKEL

Sejarah baru filem ari Borneo

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Filem Belaban Hidup : Infeksi Zombie nempa sejarah baru lebih agi ngagai industri filem ari Borneo berindik ari pemujur deka dipandang ba Channel Astro First kena 28 Ogos tu.

Penulis Skrip ke mega produser filem tu, Misha Minut Panggau, 50 taun madah filem tu deka dipandang ba astro beserimbai enggau hari besai Hari Kebangsaan, 31 Ogos tu.

“Berasai gaga bendar ati lebuh nerima berita manah tu lalu ngarapka pemujur tu tau nyadika pemungkal singkang ngagai dunya industri kreatif di Borneo.

“Taja berasai kesal bai kelalu gagit laban tu mih filem dalam jaku Iban keterubah asil ditengkebang tudah diri anak Iban keterubah ayan ba channel astro first.

“Ukai nya aja, pemujur tu mega nempa sejarah ngagai Serikat Hornbill Film Production ti diempu anak Iban keterubah ulih dipandang ba Astro.

Misha Minut Panggau

“Ngichaka udah tu, mayuh filem jaku Iban ulih digaga nyadika peransang ngagai mensia mayuh lebih agi komuniti kitai Dayak.

“Tu mega mandangka kitai mega seikas pengelandik enggau orang bukai enti bisi peluang enggau ruang dikena ngemansang pengelandik diri.

“Pemujur tu chukup besai reti ba aku, lebih agi dipandang nyerumba bulan merdeka,”ku iya.

Minut madah diri berengkah chakah ba bidang filem tu maya diasuh nyadi siku pelakun tambah ba ‘Telemovie Bibik Ku Madu Ku’ dalam taun 2011.

Udah nya, iya mujur ngeluarka lima iti filem pandak dikumbai Dendam Gadang, Dead Zone, Midnight Motel, Melody Aqil, Guitar Boy enggau nangkan udah tu ila deka mansutka cherita Kaban.

“Juluk ati ngaga filem ungkup dipandang ba Panggung Wayang enggau Stesyen Televisyen (TV) tu endang udah lama ditatam. Pengawa tu nyadi nyata pengudah betemu enggau Ray Lee.

“Ray mih mayuh mantu aku nyapai juluk ati baka ke diatu,”ku iya ti bemalinka produser tebilang baka David Teo, Erma Fatima, Mel Gibson enggau James Wan.

Ngelansa pemar ngaga filem, Minut madah penanggul pemadu besai iya nya puku.

“Chukup pedis ngiga belanja laban nadai mayuh orang tauka kompeni bebesai berani beranakka puku ba industri filem Iban.

“Nya alai, ari pemujur filem Belaban Hidup : Infeksi Zombie tu arapka filem filem kitai terus idup. Pandangka pengulih kitai anak Sarawak ngagai dunya luar.

“Pia mega, aku ngarapka mensia mayuh terus nyukung industri kreatif ba nengeri tu. Enti ukai kitai, sapa agi dikeandal meri sukung,” ku iya.

Ungkup penemu filem Belaban Hidup : Infeksi Zombie naka tu udah mujur menang urung 20 anugerah ba renggat entarabansa.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU