Sejarah penyakit chelum kelia

INFO
Pendiau orang ke udah kena penyakit tu mandangka kelai baka tabin, mutah enggau bira chirit. Kelimpah tumbuh pisa chelum sampai pansut nanah enggau bedarah.

Sebedau penyakit Covid-19, dunya kitai kelia kala begau laban sebengkah penyakit ti balat ngeruga pengidup mensia ngujungka 75 juta iku orang bebadi nyawa.

Sejarah penyakit chelum nyadi ba taun 1334 nyentuk 1353 ukai semina nuntung menua Eropah tang mega nuntung sekeda menua baka China, India, Parsi enggau Rusia.

Dipelabaka satu pertiga rayat Eropah bebadi nyawa ketegal penyakit tu nyentuk meri pangka ngagai politik, pengarap enggau ekonomi ba Eropah.

Nya alai, nitihka penerang diambi ari History TV enda iran penyakit tu ditela enggau nama penyakit chelum laban pangka penyakit tu chukup besai ngagai tusut enggau peturun pengidup mensia.

Penatai penyakit chelum bepun ari sebansa kuman ke dikumbai Yersinia Pestis ke lekat ba selepak bulu chit. Nitih penerang sejarah, penyakit tu dibai raban soldadu Mongol lebuh sida ti nguji bekuasa ba dunya tu.

Palan keterubah kena penyakit tu menya iya nya menua Hubei sebedau ngerekai ngagai sekeda kandang menua di China. Maya kimpin perintah Mongol di Kaffa, raban soldadu sida nguna bangkai ke udah lekat igi penyakit nyadi senjata dikena nyerang mengeri nya.

Bekau ari nya, mayuh rayat menua Kaffa mati ketegal penyakit chelum ti ngerekai ari bangkai mensia ke udah balat kamah dibai raban soldadu Monggol.

Pendiau orang ke udah kena penyakit tu mandangka kelai baka tabin, mutah enggau bira chirit. Kelimpah nya, sida mega deka bisi tumbuh pisa chelum sampai pansut nanah enggau bedarah.

Pangka ari penyakit tu mega, runding mensia bepun berubah nyentuk meri bekau ngagai palan pengarap enggau undang-undang beraja di Eropah.

Keterubah iya suba, bisi orang ngumbai penyakit tu datai ketegal ari pengeringat Tuhan ngagai dosa ke udah digaga mensia di Eropah. Lalau ari cherita tu, ngajar semua kitai ngambika seruran ngemeratka pemeresi diri awakka kitai ulih nyeliah diri ari sebarang penyakit.

Gambar ari https://iluminasi.com

 

Gambar ari https://iluminasi.com 

 

Sebansa kuman dikumbai Yersinia Pestis

Suara Sarawak