ARTIKEL

Sekat lisin nebang kayu ba Ulu Batang Baleh

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa nebang kayu di Ulu Batang Baleh udah ngujungka sungai di sepemanjai Sungai Batang Baleh napi pemayuh apat kayu.

Sapit Kepala Menteri ti mega Adun Baleh Tan Sri Datuk Amar (Dr) James Jemut Masing madahka dikena ngetuka penanggul (apat anyut) tu nyadi baru, lisin orang nebang kayu ba Ulu Batang Baleh patut enda dikemaruka agi (disekat).

“Ba taun 2010, penanggul apat kayu mayuh anyut ba Batang Baleh, apat kayu nya udah ngemenuhka sungai ari Kapit ke Sibu.

“Nya ngujungka jalai sungai nyau repa kelimpah mayuh utai idup ba dalam ai mati baka ikan, nyengkaum bangkai baya ti ditemu melepung ba sungai tu,” ku iya nengah penerang ke dibantai nengah Facebook rasmi iya, kemari.

Ku iya, peranak Iban di genturung Sungai Batang Baleh maya nya lalu ngatur pengawa miring laban ngumbai antu ti nyaga kampung dia ringat empas ari aktiviti nebang kayu di menua nya.

Tan Sri Datuk Amar (Dr) James Jemut Masing

“Aku empu bisi enggau bala pengari rayat bukai miring dia suba, kami ngumbai udah miring penanggul nya nadai agi.

“Sepengudah 10 taun udah miring, diatu penanggul nya nyadi baru ngempang sungai Baleh ti ulih mai penanggul besai lalu ngempang pejalai ai ngagai Projek Hidroelektrik (HEP) Baleh.

“Pengawa miring ti digaga ba 2010 nadai ulih enchelapka ati antu ti nguan kampung laban Petara nemu utai ti ngasuh pemayuh apat kayu tu nyadi endang ari mensia,” ku iya.

Iya madahka, pengawa nebang kayu nebing Sungai Batang Baleh udah ngasuh gaya rampa menua dia enda menyana agi.

“Sida ti gawa ba HEP Baleh sigi nemu pengawa nebang kayu di sepemanjai jalai nya deka ngachau HEP dia enggau ulah tu mega ulih ngemandakka projek hidro nya,” ku iya.

 


TEGAL ULAH MENSIA…Pemayuh apat kayu ti ngempang Sungai Batang Baleh empas ari pengawa nebang kayu di tebing sungai nya

BERITA LAIN

BERITA TERBARU

Sarawak rancang anjur SMeC berskala besar

KUCHING: Sarawak merancang untuk menganjurkan Persidangan Media Sarawak (SMeC) berskala besar tahun hadapan susulan kejayaan penganjuran julung kali acara tersebut tahun ini. Timbalan Menteri di