ARTIKEL

Sekeda jalai ba Sibu deka ditutup pagila

Facebook
Twitter
LinkedIn
WhatsApp
Telegram

SIBU: Sekeda jalai ba mengeri tu deka ditutup pagila (Hari Enam) dikena meri awak ngagai Gerempung Gerija Sarawak (ACS) Pampang Sibu bejalaika Program Bejalai Bebala Mayuh Krismas Sibu 2023.

Tuai Polis Pelilih Sibu, ACP Zulkipli Suhaili ba sebengkah penerang madah, program nya deka berengkah ba Palan Lapang Tun Tuanku Bujang Fasa 1.

Udah nya, ku iya, bala penyereta program nya deka nuju ngagai Jalai Bujang Suntong, Jalai Keliling Rosli Dhobi, Jalai Pulau, Jalai Channel, Jalai Bengkel, Jalai Mission sereta Pintu Penama Sibu.

“Sida mega deka nengah Jalai Kampung Nyabor, Jalai Ramin, Jalai Morshidi Sidek, Jalai Sanyan, Jalai Kampung Nyabor lalu beujung ba Jalai Bujang Suntong.

“Entara jalai ti deka ditutup baka Jalai Bujang Suntong, Jalai Kampung Nyabor (ari Pintu Penama Sibu ngagai lampu trafik Kampung Datu), Jalai Pulau (nuju ngagai Pasar Sentral Sibu), Jalai Channel, Jalai Bengkel, Jalai Ramin, Jalai Morshidi Sidek enggau Jalai Sanyan.

“Semua jalai nya deka ditutup berengkah ari pukul 7 malam nyentuk 9.30 malam.

“Mensia mayuh diperansang merambu pejalai sida lalu nengah jalai puntang ti bukai,” terang iya.

Dipelaba urung 5,000 penyereta ari bemacham gerija deka ngambi bagi ba Program Bejalai Bebala Mayuh Krismas Sibu 2023 nya.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU