Sekeda menua emperan di Betong ampuh bah

BETONG: Lima kandang menua di Betong ditiki ai empat kaki peninggi ngujungka jalai besai enda ulih ditengah baka ba Issu Bangat, Kejemut, Tembong, Tabut enggau Sekula Primari (SK) Tabut.
Ku Ketuai Bomba enggau Penyah Penusah Betong, Vincent Baling Yabi, tebal agi jalai ke bah nya enda ulih ditengah.
Ku iya, endur bukai baka Buyong semina bah peninggi dua kaki lalu SK Lidong agi likun.
Berebak enggau nya, Vincent ngelalau peranak ba tanah emperan ngambi seruran bejejaga.
“Kami ngadang tikas ai tu majak niki enti ujan enda ngetu.
“Nya alai, semua orang mesti bejejaga enggau anang nengah jalai ti udah bah peninggi empat kaki laban nya tau ngeruga pengelikun kita,” ku iya ngelalau, ditu tadi.
Sida mega deka terus matau ba tanah emperan enggau endur ke suah ampuh bah.

Suara Sarawak