ARTIKEL

UNGKUP KENANG… Kullin (belakang, tujuh kiba) begambar ungkup kenang enggau kaban STU ba Hotel Seri Simanggang ditu, empai lama.

Sektor pelajar patut diungkup belanja tambah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Serakup Pengajar Sarawak (STU) ngelalau Perintah Besai meri agih belanja tambah dikena nyeleti sekula repuk ba Sarawak kelebih agi ba menua pesisir enggau menua ulu ba Bajet 2024.

Presiden STU, Kullin Djayang madah, agih belanja tambah nya beguna amat ngambi semua sekula repuk ba Sarawak ulih diseleti meruan.

“Tu dikena ngintu pengelantang sereta pengelikun bala nembiak enggau pengajar ba sekula tu kelimpah nyendia gaya belajar ti meri peransang.

“Nambahka nya, sekula ba menua pesisir enggau menua ulu patut disikap ngena fasiliti meruan dikena ngurang takah pelajar entara sekula menua pesisir enggau mengeri,” ku iya.

Kullin mansutka jaku nya rambau bejadi Program Nyuaka Insentif Nembiak Nyulut Ungkup Anak Kaban STU ba Hotel Seri Simanggang ditu, empai lama.

Iya madah, taun nyin kemari, perintah udah meri agih belanja RM55.2 bilion ngagai Opis Menteri Pelajar.

Ari penyampau nya, ku iya, sepenyampau RM2.3 bilion dikena nyendia infrastruktur ba sekula lalu RM920 juta dikena nyeleti sekula repuk ba Sarawak enggau Sabah.

Nya alai, iya ngelalau perintah nyendia agih belanja ti besai agi ba Bajet 2024 ungkup pekara pelajar enti ekonomi menua majak manah.

“Isu sekula repuk patut diputar lengkas ngambi operasyen sektor pelajar lanchar lalu bala pengajar enggau nembiak ba menua pesisir bulih pemaik,” ku iya nyemetak.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU