ARTIKEL

INISIATIF MANAH... Abang Johari madah ke sektor peribit diberi pemendar ngambi bagi ba pengawa ngaga kuasa di nengeri tu.

Sektor peribit diberi pemendar ngaga kuasa

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak udah ngubah undang-undang bekaul meri pemendar ngagai sektor peribit ngambi bagi ba aktiviti ngaga kuasa di nengeri tu.

Premier Sarawak, Datuk Patinggi Tan Sri Abang Johari Tun Openg madah, Sarawak Energy Berhad (SEB) deka bejalaika pangku pengawa besai ba pekara pasal bekal kuasa nengah sektor peribit nya.

“SEB tu ejensi besai ti ngemansangka kuasa, taja pengawa ngaga kuasa ulih dikereja sektor peribit tang dalam ekuiti mit nitihka atur dipejalaika SEB.

“Tang sida ulih meri bekal kuasa sekali ke ari sukut kuasa solar enggau mega ngaga kuasa ti disebut aku tadi lalu tu deka nambahka kuasa ngagai grid besai ke alai SEB nyadi pemekal besai,” terang iya.

Abang Johari nibar ke jaku nya lebuh bejaku ba Pengerami Ngintu Aidilfitri SEB di Menara SEB ditu kemari.

Iya madah baru, pekara bekaul undang-undang ti udah digaga enggau diubah tu ulih mantu pemujur Sarawak dudi hari ba pengawa ngemansangka kuasa ulih dikena baru.

“Enda lama da, aku deka ke Bangkok, Thailand ngambi bekunsika penerang pasal pemansang kuasa ari perspektif Sarawak.

“Aku bisi peluang bekunsi enggau rayat di Eropah, di Poland, lalu aku mega deka sekali agi bekunsi pasal pemansang kuasa ari perspektif Sarawak di Bangkok kelebih agi dalam timpuh ngalih ari minyak fosil ngagai kuasa ulih dikena baru tu.

“Penemu kitai pen udah dikunsi enggau orang luar. Nya alai aku kin ngari ke Sarawak enggau SEB,” ku iya.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Polis siasat wanita dakwa diri Imam Mahdi

KUANTAN, Pahang: Polis sedang menyiasat seorang wanita yang mendakwa dirinya sebagai Imam Mahdi seperti tular di media sosial sejak semalam. Ketua Polis Daerah Jerantut, Superintendan