Sekula dibuka 24 June

PUTRAJAYA: Opis Menteri Pelajar Malaysia (KPM) netapka 24 June tu sekula dibuka baru ngaul nembiak ke napi peresa SPM, SVM, STPM enggau STAM sereta peresa entarabansa ba selampur menua.

Menteri Kanan Pekara Pelajar, Dr Mohd Radzi Md Jidin madah, pengawa muka baru sekula ngaul 544,000 nembiak ari 2,440 buah sekula nembiak kelas peresa perintah enggau peresa entarabansa ba selampur menua.

“Ungkup penerang semua, pengudah beratika penemu enggau sanding penemu ari Opis Menteri Pengerai Malaysia (KKM) enggau Kaunsil Pengelikun Menua (MKN), KPM udah netapka haribulan muka baru sekula nya.

“Kelas tu semina dibuka ungkup nembiak ngambi peresa perintah iya nya SPM, SVM, STPM enggau STAM sereta peresa entarabansa selampur menua kena 24 June tu,” terang Radzi ba aum pemberita di Putrajaya, tadi.

Ku iya, KPM deka mantaika penerang pasal pengawa muka sekula nya ngena chara berenggat.