SIBU: Sebuah sekula entarabansa deka digaga ba kandang menua kitai ditu, pia ku Kepala Menteri Abang Johari Tun Openg.
Abang Johari madahka taba sekula nya udah ditemu iya nya semak enggau kampus Universiti Kolej Teknologi Sarawak (UCTS).
“Sekula tu deka ngena silibus standard Cambridge ke alai nembiak ti nyulut aja belajar ba sekula tu.
“Taja pia, bayar tama sekula tu sebaka enggau sekula bukai ba menua tu lalu sekula nya deka dipegai Perintah Sarawak,” ku iya rambau Sesi Townhall enggau peranak Sibu ditu, ensanus.
Sama datai Menteri Muda Pelajar, Sains enggau Pansik Teknologi Dr Annuar Rapa’ee, Kaban Parlimen Petra Jaya Dato Sri Fadillah Yusof enggau Residen Bagi Menua Sibu Charles Siaw.
Pia mega ku iya, sebuah taba pemesai 200 ikar udah ditemu nyadi Taman Gadung ditu.
Taja pia, Abang Johari enda madahka endur ke manah ngaga taman nya lalu taman nya manah ngatur aktiviti rekreasyen enggau lepa.
“Aku dekaka endur nya digazet lalu diaku nyadi Taman Gadung.
“Taman nya deka ditanam pun kayu enggau endur jelu siga kelimpah bisi sungai ulih dikena ngatur aktiviti ai,” ku iya nerang silik.
Abang Johari madahka iya deka berandau enggau Dr Annuar pasal pekara nya.
Iya mega madahka sekeda serikat peribit benung ngiga endur ti sama. sama.
“Pengudah digazet nadai sapa tau ngachau endur tu,” ku iya. madah.
