ARTIKEL

Sekula repuk diputar Sarawak empu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Premier Sarawak, Datuk Patinggi Tan Sri Abang Johari Tun Openg mejah Perintah Besai ti enda ngemeratka penanggul sekula repuk di Sarawak.

Ku iya, Opis Menteri Pelajar enggau Opis Menteri Pekara Wang semina suah bejaku aja pasal sekula repuk kelebih agi sekula menua pesisir ba nengeri tu tang enda meri agih belanja ti dikena nyeleti tauka ngemanah iya.

“Bisi sekula enggau blok begunan ti enda ulih dikena enggau enda likun dikena agi, kandang sekula pen balat rusak.

“Aku nemuai ngagai Sekula Primari (SK) Ulu Segan ba Bintulu ti suah kena ampuh bah, palan makai iya mega nyadi endur menarat.

“Nganti Opis Pelajar Nengeri (JPN) enggau Opis Menteri Pekara Wang, bejaku aja tang duit enda pansut, nya kebuah aku pedis ati enggau Putrajaya.

“Ukai aku deka pedis ati ngagai Perintah Besai tang enti deka bejaku, meseti ngamat ke jaku nya,” ku iya nyemetak madah.

Abang Johari nibar jaku nya ba Pengawa Nutup Kem Tuai Nembiak ti diatur E-Mart sereta Sekula Sekondari (SMK) Gedong ba SMK Gedong ditu, kemari.

Nya alai, pengudah berunding pasal pemesai guna pelajar ba bala anak Sarawak, iya madahka udah ngena agih belanja Perintah Sarawak dikena nyeleti sereta ngemanahka agi sekula repok.

Abang Johari madah, nya nyengkaum mindahka SK Ulu Segan ngagai endur ti tinggi agi kelimpah ngaga begunan baru ba sekeda sekula di Lingga sereta Daro.

“Nemuai ngagai Daro, dinding kuarters pengajar belubang, baka ni pengajar indu deka ngajar, takut mega.

“Pengajar ari Semenanjung mega takut datai kitu, nya kebuah aku ngaga begunan sekula baru di Daro,” ku iya.

Ngelansa baru, iya madahka deka ngaga infrastruktur baru di SMK Gedong ti dipelaba beungkus RM15 juta.

“Tu suah amat tama ‘rolling plan’, pedis pala suah kena ‘roll’. Nyadi aku deka bebendar mutar penanggul tu, kitai ngaga blok enggau landskap baru, baka sekula baru meh,” ku iya.

Kelimpah ari nya, Abang Johari mega minta JPN meri penerang ungkus dikena nyeleti lengkas SK Sageng, Simunjan ti repuk.

“Aku minta penerang ungkus laban deka masuk ke tu dalam bajet nyentuk sehari tu bedau diterima,” ku Abang Johari nyemetak.

BERITA LAIN

Jasa indai meruan dikenang

KUCHING: Kaunsil Peranak enggau Pemansang Ruang Bilik Menua (LPPKN) udah mujur ngatur Pengerami Hari Indai Renggat Nengeri Sarawak 2024. Bisi 400 indai udah sampal datai

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Bernama menangi anugerah laporan berita terbaik

KUALA LUMPUR: Pertubuhan Berita Nasional Malaysia (Bernama) memenangi Anugerah Media Cetak dan Portal Berita (Laporan Berita Terbaik) pada majlis Anugerah Media Agrobank 2024 di sini