BINTULU: Nembiak Universiti Putra Malaysia Kampus Bintulu (UPMKB) diperansang nganjung peminta Sekularship Kursi Tok Nan 2023.
Sekularship nya semina ungkup anak Sarawak ti ngambi pelajar Bachelor Sains Pembangunan Manusia dengan Pengurusan lalu bulih pemutus akademik nyulut minimum PNGK 3.500 ke atas.
Nambah ke nya, sekularship nya inisiatif UPMKB enggau Opis Menteri Dagang Temuai, Industri Kreatif enggau Seni Pemerindang Sarawak dikena mantu anak Sarawak ari sukut belanja nampung pelajar ba Sains Sosial dan Kemanusiaan.
Pelanja nya nyengkaum bayar belajar, bayar kolej, elaun bup enggau pemeri ke alai sekularship deka diberi pengelama enam semester ungkup program bachelor.
Semina peminta ti udah lepas diintebiu aja deka dikangau seraya peminta ti nadai nerima kangau ba timpun sebulan nandaka sida enda mujur.
Peminta sekularship dibuka berengkah ari 20 March nyentuk 7 April tu.
Pom peminta ulih diambi ba website UPMKB di www.btu.upm.edu.my.
Sebarang tanya silik tau telefon ngagai Unit Pekara Nembiak UPMKB tauka telefon nuju Rabaiyah Zaini ba lumur, 086-855474 tauka email rabaiyah@upm. edu.my
