Hari Bujang Berani disambut kena 31 Julai ninting taun dikena ngingatka jasa raban Bujang Berani menua ke udah bebendar nyaga pengelikun enggau pengelantang menua baka ke sehari tu. Nya alai, Suara Sarawak bisi nanya penemu mensia mayuh bekaul enggau hari ke chukup besai reti tu.
MICKY MEERZAGUL
“Aku meri besai terima kasih ngagai semua bala Bujang Berani menua lebih agi ba Sarawak laban sida udah sanggup berambunka nyawa ngetanka menua tu ari keruga komunis kelia. Kitai patut berasai temegah enggau pengawa ke udah digaga sida. Arapka rebak baru meruan ingatka jasa bala Bujang Berani menua.”
JESSICA DINAH
“Hari Bujang Berani mesti dibasa enggau dikeingatka semua kitai. Enti nadai sida nyangka pengidup enda bangat senang baka diatu. Nya alai, keingatka mih sejarah menua, seliahka ngereja ulah enda menuku ti ulih ngeruga pengelikun menua.”
NORIA MEAI
“Aku chukup temegah ati sereta meri terima kasih ngagai semua Bujang Berani menua laban bebendar nyaga pengelantang enggau pengelantang menua. Taja menua kitai nadai agi sigau baka kelia tang kitai ulih ngasaika baka ni pemar ke ditapi sida nengah dokumentari Bujang Berani ke bisi dipandangka ba TVS. Selamat Hari Bujang Berani.”
ADELINE JEAN
“Kebendar ari dokumentari ke bisi diayanka televisyen ulih niu semangat kitai ingatka jasa raban Bujang Berani menua. Ari dokumentari nya, aku empu baru ngelala sekeda ari raban Bujang Berani ke bisi enggau ngetanka menua ari keruga munsuh. Pia mega aku ngarapka mayuh agi penerang pasal Bujang Berani dibantaika ba media chelak tauka media elektronik.”
