ARTIKEL

*BEJADI…* Abang Johari ngetas ranyai rambau bejadi Program Ngiling Bidai Pelilih Menua Gedong 2024 ba Balai Mensia Mayuh RTC Munggu Lalang Gedong ditu, sehari tu.

Semangat ti dipandang rayat Tanah Kenyalang dipuji

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

GEDONG: Premier Sarawak, Datuk Patinggi Tan Sri Abang Johari Tun Openg meri tabi puji ngagai semangat teguh rayat Sarawak ti sanggup bejempuk ketegal ujan bangat rambau Program Niti Daun Gawai Dayak 2024 ti mujur diatur lemai kemari.

Iya madah, semangat penyerakup ti chukup teguh nya ngelaika orang Sarawak enda muntang nyerah alah ngagai siti-siti pemar.

“Kitai tu suah rami, kemari kitai mujur ngatur program niti daun (Program Niti Daun Gawai Dayak 2024), dia aku meda semangat orang Sarawak chukup tinggi.

“Aku meri tabi puji ngagai sida (bala penyereta), nyau jempuk laban ujan tang nya nadai nyadi penanggul ngagai sida, sida agi nerus pejalai,” ku iya.

Abang Johari bejaku munyi nya rambau bejadi Program Ngiling Bidai Pelilih Menua Gedong 2024 ba Balai Mensia Mayuh RTC Munggu Lalang Gedong ditu, sehari tu.

Ku iya, nya nyadi kelai penyerakup ti tegap sereta semangat tinggi orang Sarawak lebuh napi penguji.

Program Niti Daun Gawai Dayak 2024 ngemataka 111 kontinjen ngambi bagi ari selampur Sarawak ti bela ngena pakayan asal bansa diri empu.

Bisi 3,070 iku penyereta ngambi bagi ba program nya lalu sida bejalai ari Begunan Tun Jugah ngagai Waterfront Kuching iya nya urung 1.28 kilometer penyauh.

Taja pia, lebuh kontinjen ke-79 mansa panggau iya nya urung pukul 4.20 lemai, hari ti chukup panas tengah hari nya ngenyit ujan bangat sereta biau balai.

Nya ngujungka bala kontinjen jempuk basah, tang semangat tinggi ti dibantaika bala penyereta majak enda ngetu bejalai deka nembuka program nya ngasuh bala tuai Sarawak kelebih agi Abang Johari empu bediri seraya nempik jari kelai meri sukung ngagai bala pesereta.

BERITA LAIN

BERITA TERBARU