Semengat talukka menua semampai diterenak

SARATOK: Opis Pemadah seruran chakah ngatur program enggau aktiviti ti nerenak semengat talukka menua kelebih agi nyerumba bulan kebangsaan tu.

Staf Opis Pemadah Pelilih Saratok Florence Sebastian Unting madah, udah nyadi tanggungpengawa piak sida mai mensia mayuh ngerami hari besai kelebih agi hari ngenang jasa bala ketuai dulu.

“Program Kembara Jalur Gemilang entara pengerami diatur ninting taun ti mai mensia mayuh enggau ejensi bukai sama ngitang tambai Malaysia ba rumah,entukar enggau palan dagang sida.

“Nengah program bakatu mega mensia mayuh ulih betatika pemedis Bujang Berani ke dulu suba lebuh betachah ngelaban komunis,” ku iya lebuh bejaku ba Kimpin Ngitau Jalur Gemilang diatu opis sida, apin lama ke udah.

SUKUNG TEGUT… Glen (tengah) disempulang Florence (dua kanan) enggau bala bukai ngitau tambai Malaysia nyerumba pejalai kimpin Bulan Kebangsaan.